Менавіта так гучыць тэма аднаго з сачыненняў, якую я прапаную сваім студэнтам у якасці задання на дом.

Зразумела, частка тых, хто яшчэ не прызвычаіўся да таго, што настаўніцы можна пісаць праўду і нічога, акрамя праўды, пачынаюць разліваць мора разліваннае пра «цудоўны беларускі фальклор», «любоў да групы Сябры» і «Купалінку, якую я заўседы спяваю, калі ў мяне дрэнны настрой».

Але часцей усе ж такі адказваюць так, як ёсць.

Сорак пяць адсоткаў шчырых апытаных адказваюць: няма такога гурта.

«Беларуская музыка — для старых», «яны не разумеюць, што патрэбна моладзі», «у нас няма ні музыкаў, ні прадзюсэраў», «я не разумею, аб чым яны спяваюць».

Менавіта з такой нагоды мае суразмоўцы ніколі не слухаюць сучасную беларускую музыку — ні на рускай, ні на роднай мове.

Астатнія 55% — слухаюць.

Большасць з іх — «J-морс».

Гэты гурт — несумнеўны лідар студэнцкага хіт-параду.

«Мне падабаецца мелодыя», «яны адпавядаюць майму настрою», «іх цікава слухаць», «яны адкаваюць на мае пытанні пра жыцце», «гэта сапраўды сучасная музыка» — так тлумачыць моладзь поспех Пугача.

Другі ў студэнцкім рэйтынгу — канешне ж, Ляпіс.

Але дзіўна — амаль ніхто з аўтараў не распавядае, чаму — Ляпіс. Пачынаюць у захапленні перадаваць свае пачуцці ад канцэртаў Міхалка, выкладаюць гісторыю гурта, пералічваюць улубеныя спевы — але не называюць прычын. Мо, таму, што Міхалок — ірацыянальны, пастмадэрновы творца?

Бронзавы медаль апытання — у НРМ.

Дарэчы, студэнты блытаюцца, дзе там Вольскі, дзе Крамбамбуля, дзе ўласна НРМ, дзе Крама — але ўпэўнена называюць і «Тры чарапахі», і «Госці», і «Турысты», цудоўныя, спраўды беларускія лявонавы гіты.

Ну, а далей пачынаецца самае цікавае.

Аказваецца, беларуская музыка, якую слухае моладзь, не вычэрпваецца агульнавядомымі іменамі.

Ад студэнтаў я пазнала пра гурт «Эса» — фольк-рокавую каманду, якая апрацоўвае і выдае на-гара фальклор паўдневай Беларусі.

Яны ж адкрылі для мяне гурт «Адзіс Абеба» — гурт, які, па словах маіх вучняў, «лепей за ўвесь расійскі рок».

А яшчэ — не паверыце! — есць такі цудоўны беларускі рэпер Vinsent, які «крута чытае крутыя тэксты».

І яшчэ каманду «The Fraiz» — кажуць, гэтыя беларускія музыкі «здольныя «парваць» стадыен — калі ім дазволяць на ім выступіць».

А вы — які беларускі гурт здольны слухаць?